يستاهل الشعب السعودي الكرامات
ومحبة الوالد وكثر احترامه
لانه وفي مايستمع للاشاعات
اللي يروجها العدو لانقسامه
حنا اعدانا ماعليهم علامات
ياكود بالمله ولبس العمامه
يقرون لكن مايحبون الايات
اللي تزيد الصف قو التحامه
لكننا احفاد الصحابه ولامات
حب النبي واله ليوم القيامه
من اشر علينا بسو ماله حصانات
نقطع اصابيعه ونقطع ابهامه
حنا عيال اللي يمد العظيمات
ملك ملوك الارض هيبه وقامه
اللي معه تبدا فصول البديات
للمجد والعليا وطيب السلامه
عبدالله الشامخ على المجد هيهات
ياصل لبومتعب بشر بالزعامه
عبدالله اللي مالحبه نهايات
هو روح شعبه والعلا والكرامه
عبدالله اللي يستحق التحيات
والشعب هو روحه وكل اهتمامه
ياالله ياعالم بكل الخفيات
ياخالق العالم وتدري بنظامه
تنعم علينا بالامن والمسرات
ومن رادنا في شر تخذل مرامه
وتحفظ ملكنا يامليك السموات
وتشفيه يالشافي وتقبل قيامه
هو نعمةٍ خصيتنا فيه بالذات
والحمد لك على النعم ببتسامه
صقرفواز