مستور الذويبي

واعيني اللي ليا اقبل ليل واقفى نهار
عن ماتبيه المشاعر للوجوم اشطحت
يفرض عليها الوجوم وهيمنته الحصار
تمسي على ساحله وتخاطبه لااصبحت
وان قلت ياعين يكفي وش بقى للوقار
فاضة من الوجد باللي تاجده ماستحت
ماهوب دمع الغرام ولا دموع انكسار
الادموع ن من الغفله نيام وصحت
ياوجد حالي وياوجدي وماصار صار
اليوم والعام واللي من سنين انتحت
ينتابني رعب من بعض السلع وانصهار
لاشفت شهب المنايا لاضوت واسرحت
مافي يدي مايوصلني مقام الكبار
اللي تخطت ملذات الهواء واصلحت
الساجدين العتيم الصايمين النهار
الصالحين الوجيه اللي عطت وافلحت
يارب عفوك ولطفك ساعة الاحتظار
لياذكرت الذنوب الي علي اسنحت
يارب اجرني من الفتنه وسؤ المزار
يامن بر حمتك عاش الكون فوق وتحت
اعوذبك من حياة ن تاليتها دمار
واستغفرك من ذنوب ن ولدت ولقحت
يجري بنا الوقت والوقت الطويل استدار
والناس في غبة الفتنه مشت واسبحت
احداث الايام فيها للعيون اعتبار
اماء سرت ليل والا صبحت وارمحت




الله الله الله يامعدّي المرقاب ..

نص فاخر بمعانيه .. ومافيه من شعر .. وشعور ..

الله يتوب علينا جميع ..

ويهدينا للصواب ..

كل الودلكـــ

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ