[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=left use=ex num="0,black""]
البارحـه ماهـي مثـل كـل ليلـه=البارحـه بلحـال وايامـي لـحـال
ليلة عميـل ٍ منقّـرص مـن عميلـه=واهمومها هجن ٍ بـلا قيـد واعقـال
اضوَق عليْ من خرم شوكَـة فسيلـه=واطوَل عليْ من مركض ٍ في رجا اللآل
منـلاث كنّـي غـادر ٍ لـي قبيلـه=اضعفهم اللي يقسم الصخره اوصـال
والضيـق جمـره والحنايـا فتيـلـه=ولاجيت اباانسم تقل فالصدر سـلاّل
والعين كـن ارموشهـا مـن نثيلـه=حمر ٍ مخليّهـا السهـر عيـن رحّـال
ماينفـع المشحـون راس الطويـلـه=ولايكمد الحاسوس تتـن ٍ وفنجـال
من كلمـة ٍ جتنـي تقـل حنظليلـه=من صاحب ٍ سلمّْتـه الحـال والمـال
المترف اللـي فـي عروقـي مقيلـه=وغلاه. غيثه وسـم وايامـه اطـوال
اقرب لي من انفـاس جـاش ٍ يشيلـه=وابعَد عليْ من ملمسي نجم واهـلال
نـوب ٍ بليّـاه العمـر عزتـي لــه=ونوب ٍ حياتي معه ماهي على البـال
ازريت اعـدّل فيـه صَعْبِـه وميلـه=مثل الحمل لو حِـرّك بقـوه انهـال
ماعـاد تنفـع فيـه أيّـات حيلـه=الا لاراح النير مع وسـط خلخـال
يمكـن تغيّـر فيـه حاجـه قليـلـه=لو كنت ميّس ياس فزعه مـن الـذال
ملافظـه قسـوه ونفسـه بخيـلـه=ومكابـره يشعـرك ماانتـه برجـال
وعناده اقوى مـن عنـاد الكحيلـه=اللي مصارعها ماهـي لكـل خيـال
اريـاه عميـا والثقـافـه عليـلـه=وحساس وادنى شي يثّر على الحـال
ويبغى العطا لـه غيمـة ٍ مستسيلـه=وهو مايعطي لو كبـر حبّـة الخـال
الله يبيحـه كثـر طَـش الجديـلـه=على جبيـن ٍ فيـه للزبْـد مدهـال
الزين لو هو وصـف نـادر فصيلـه=لاجا عقيم اطبوع مـا سيـم بريـال
والرجـل عقلـه فالمواقـف دليلـه=والبحر ينسف ما فبطنه علـى الجـال
وتدري متى الفرحه تجـي مستحيلـه؟=لااغليت لك واحد يقهويك الاهمـال[/poem]
|