[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياضعفها ياناس بعض الرياجيل=يوم الرجال تعد ما يذكرونه
إن كان مايكسب جميل التماثيل= كل الرجال الطيبه يشتمونه
ليش يتردا ليش ويبرد الحيل =ويصغر رجال الوفا في عيونه
مع الرجال ان كان ماله مداخيل=والله ليا من غاب مايفقدونه
لاصار قلبه ممتلي حقد ويشيل=الثور لا غبر يغبر قرونه
وش الحياه اما كسبت المشاكيل=وفعلت فعلن كلهم يمدحونه
اكبر تجاره خوتك للحلاحيل=خويهم لاحتاج ما يتركونه
خوت ردي العرف مثل اسود الليل=انشد رجالن كلهم يعرفونه
مامن وراه الا التعب والغرابيل=ولا يغرك يوم تضحك سنونه
وقت الرخا تقول ذا فارس الخيل= وقت الشدايد عنك يرخي متونه
ياراعي الدله وبيض الفناجيل=لاتسوقها للي رضاء بالمهونه
الي حياته كلبوها بهاذيل=ولاضن فالايام خابت ضنونه
وياشينها ياناس بعض الرياجيل=ماله ذكر حتى العرب يذكرونه[/poem]