محاورة
( حسين بن شتوي الحبابي ، فهد الغنامي )
الطاروق الأول :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حسين بن شتوي =
سلام لو ماني مسير ولا ضيف=لا شك أنا شاعر وغنى بقافه
حضرت متحدي وأنافس على السيف=قوة بقوة ما نحب الضعافه
فهد الغنامي =
يامرحبا حييت واقلط على الكيف=ياشاعر(ن) تحسب حساب المسافه
ما يظهر الرجال غير المواقيف=والشعر للشعار فن وحرافه
حسين بن شتوي =
ماعاد باقي غير فتح المضاريف= لا شك ماضينا تراث وثقافه
الفرق في المعنى وبدع المحاريف=الفرق ماهو في العدد والكثافه
فهد الغنامي =
خلك مع اللي يوقف بالمشاريف=وحاول تقرب من بنوك الصرافه
ياحسين بن شتوي وش تجيب وتضيف=إن كان ما ياخذك رحمه ورأفه
حسين بن شتوي =
اما بصرفها على خير تصريف=ولا علي من النشاما حسافه
ماهو يخاف اللي مبندق وحريف=يبي يصيد الذيب مادام حافه
فهد الغنامي =
من الحقوق اللي عليكم مراديف=مال الخلافه غير رجل الخلافه[/poem]

---------------------------------------
الطاروق الثاني :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
فهد الغنامي =
سلام والماس عقده غير كل العقود=واهني الشعب في عودة مليك الوطن
روح جنيهين والثالث هنا في الوجود=والليلة يسلم اللي فيه ساق الثمن

حسين بن شتوي =
يامرحبا والذهب غالي ويطلب نقود=وعودة ملكنا تسجل في كتاب الزمن
أنته وأنا يالعتيبي نطلب الله زود=نجم(ن) طلع في السما السامي ونجم(ن) طمن
فهد الغنامي =
يمكن تروح لك روحة بعدها ما تعود=والا تجيب البعير وفي يديك الرسن
إن كان وفيت واستكملت كل البنود=اقرب قريب إنك الليلة كسبت الرهن
حسين بن شتوي =
وقفاتنا حزت الوقفة عليها شهود=لا شك جر اللحن ياللي تجر اللحن
اللي بيوته لها تاثير يرقا سنود=وانتا تعشى وتغدى وضيفتك في الصحن
فهد الغنامي =
إن عشت جعلك مع الايام عندك جهود=وان مت يالله عسى مثواك جنات عدن
ياحسين والله كفو واقول ماانت شرود=يكفيه شر البشر يعطيه صحة بدن
[/poem]

http://www.youtube.com/watch?v=2WqgV...eature=related