[/OVERLINE]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
مافيني الا كل ذكرى اليمه = فتقْت فيها جرح غافي وقفيّت
اي والله اني من سببْها سقيمه = لوّه خذاني عز نفسي وصدّيت
اثْر الليالي لو عطت لك عقيمه = فيها الهقاوي خايبه لو تهقويت !
ياليت وقتي فيه للطيب شيمه = ماكان من قاص المعاليق جرّيت
حرفٍ في قلبي له قدرٍ وقيمه = لولاه غالي ما كتبت وتعنيّت
بعلّمك كيف المواجع عظيمه = وكيف الليالي تصْدمك لاتمنّيت
وكيف الغلا ماعاد له من حشيمه = لاقْفا يطالبني على سجّة البيت !
وبعلّمك جور الهوى بك وضيمه = لا مر بابك وانت عنّه تنحّيت
خذها عهد .. بين الغريم وغريمه = لابْكي خفوقٍ عاش حي ٍ وهو ميت
ولاهب من ذكرى غرامي نسيمه = ادمح خطاي ان كان في حقّك اخطيت
هذه سواتك والمواجع مقيمه = الله يسامح طلتك كل ماقْفيت !
[/poem]



.