[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا غرب واللي خاطري ينتحيله شرق=بعيد وطن مضنون عيني عن أوطاني

حصل في غروب الشمس بيني وبينه فرق=عسى الله يقرب دار من حبه أشقاني

لياجا لذيذ النوم يسرق عيوني سرق=ذكرته بعيد وعافت النوم الأعياني

ألا يالله إنك لاتعيد الحمام الورق=وراه يتلاحا بالطرب لين يشعاني

تولعت يوم إنه شعاني بحلو الطرق=من الولف أظنه جاي الورق ماجاني

من أربع سنين ومهجة الروح فيها حرق=نتيجة نقض عين سهمها تمثناني

وساع العيون الساحريه طعنهن زرق=لها نظرة من صابته طاح وجعاني

سقا الله ليا قام يتكاشف علي البرق=وأنا أشوف زوله بين ربعي وخلاني

تفتح لعيني يوم أشوفه وساع الطرق=وأنا قبل أشوفه مثل يعقوب عمياني

تهشم نظيره من هليل الدموع الزرق=وعمي لين جابوله قميص ابنه الثاني[/poem]

لـ الشاعر : عبدالله بن عون