يانواف نايف
نار الافغاني
على قولة ابن عمي حبيّب العازمي
( أنا وشلون أحول وسطها وأنت متوقيها )
اجل انا فدا لـ الغنانيم كلهم الا نت يانواف لا والف لالالالالا
الا وش رايك انسخ لك المحاوره هنا تستمتع بها
حـبـيـب الـعـازمـي
ابو تركي يباله قاف مثل النار والبنزين
حريقه في حريقه والمطافي ما تطفيها
على شان العلوم اللي نبى تفسيرها بعدين
يخربها ولد جاره ولا يقدر يسويها
مـسـتـور الـعـصيمي
ليا شبيتها نرميك فيها ياغراب البين
عليك اتشبها وأنا علي اكتفك فيها
والا يالعازمي ماني بزايد فوق دينك دين
أخذ عبر التجارب فاول الدنيا وتاليها
حـبـيـب الـعـازمـي
أنا ماني غراب البين أنا خلال يخل العين
وأنا وشلون أحول وسطها وأنت متوقيها
ثمان سنين زايدها ثمان سنين كم سنين
نعشي الأرنب السوداء وتفتلنا باذانيها
مـسـتـور الـعـصيمي
بنيناها على طول الليالي مثل سور الصين
تراكم صيدة فالوقت نطبخها ونشويها
ولا يارعي الحجه نبى برهانهاذا لحين
ولا تغدي علينا بين كاتبها وقاريها
حـبـيـب الـعـازمـي
حديتونا على علم الردى ياربعنا الغالين
رديه والرديه راجعه في حظ راعيها
يموت البخيل والحبحبه على السكين
ولا يقدر يقطعها ولا يقدر يخليها
مـسـتـور الـعـصيمي
عسى الله ينصر الإسلام ويقوم عمود الدين
ويكتب لك ثوابك فالصلاة اللي تصليها
ابوي محارب الكفار في غزوةبدر وحنين
وأبوك اللي ماغير يسند الديره وينحيها
حـبـيـب الـعـازمـي
يقولون الرجال الضعيف دائم حيله المسكين
وحنا أهل المروه والضعافه ماندانيها
أبوك الله يغفر له قضاها معرعاة الضين
ويزعل لو يشوفك فالغنم سارح مفليها
مـسـتـور الـعـصيمي
يقولون الرجال العز ضرب السيف ابو حدين
وأبا اذكر في بعض اللحون اللي يغنيها
أنا دوبي عرفتك ياحبيب بعد عام الفين
واعاين في وجيه الناس واجرحها واداويها