[poem=font="Simplified Arabic,5,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(( ياشينها غلطة الغالي على الغالي=معاد ينفع دواها لو يداويها ))[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,teal" type=2 line=0 align=center use=ex num="0,black""]
على خطى البيت ذا, جريت موالي=مع العذر للقصيده هي وراعيها
لاشك خلوني اغني على فالي=وادمي جروحي على كيفي واداويها
ياعاذلي يوم اغني بالخلا الخالي=ماتحرق الجمرة الا رجل واطيها
ماجاك شي من اسبابه نحل حالي=فرقا الضحى ماكوت قلبك بـ صاليها
ماحستك مثل قلبي وجعة الغالي =من شينها منه مدري وين اوديها ؟
من وين ماصد عنها جات تبرالي =ازريت احسه بها ~ وازريت اعديها
قمت اتصنع وكني ماعلى بالي=وانا عروقي تنازع من عراويها
واقفيت من حشمته تقدير واجلالي =ماضي سنيني معه تشفع لتاليها
اقفيت وآودعت عنده باقي آمالي=آمال عمري بدونه ويش آبي فيها؟!
وهو يحسبني نسيته؟ يابري حالي!=الى نسيته جروحي وش ينسيها ؟!
لكن: علي ماعلي له , مثل ماقالي=ان ( زلبته )ماتغير من مبادايها
وانه بوسط الضلوع العوج نزالي= بالمضغة اللي غلاه الذرب ماليها
يعني على نفس منهاجي / ومنوالي=اشفق على كل لحظه معه واشريها
لو عشرته عرضتني لشهب الالي=للحين يحيي هشيم القلب طاريها
لاجزت عنه ولاهزيت فنجالي=وطعونه احبها من حب ( مهديها ) ![/poem]