من منطلق جهر النفوس وخفاها
‎يا مرحبا والله ‏ يحييك ‏ وأهلين
يا حاكم(ن) كل المكارم حواها
‎يا خادم البيتين يا درع ‏ ومعين
جمرة غيابك في حشانا لضاها
‎من يوم غبت أستوطنت فالشرايين
وفي عودتك رب البريه محاها
‎كن الفرح والحزن فيك متواصين
كل الجزيره في قدومك تبأها
‎غيبتك ‏ عنها كنها شهور ‏ وسنين
‎ شفاك كنه يا ملكنا شفاها ‏
‎كن البلاد بشوفتك تكحل العين
الله قبل دعوات شعبك دعاها
‎سبحان رب‏(ن‏) بدل العسر باللين
والحمد ل الله يوم حقق مناها
‎وجيت متعافي وأصبحو مسفهلين
ولاهو غريبن يا ملكنا ولاها
‎وأنت الذي تملك قلوب الملايين
ملكتها بطيبك وجتك برضاها
‎جتك القلوب وشعبك اليوم راضين
راضين دام أنك تكرم لحاها
‎وتحكم بشرع الله‏' وبمنهج الدين
شعبك بعد ما جيتها الخير جاها
‎عز الله أن المملكه فالها زين
دامك ملكها محققن مبتغاها
‎أنا أشهد أن شعب‏(‏ن‏)‏ بلياك مسكين
يا شجرت(ن) للشعب ذرى ذراها
‎شعبك على مدات ‏ يمناك ضارين
فيك القصايد يفتخر من قراها
‎ولا هوب قدرك لو كتبنا ‏ دواوين
نفسك محد ينكر غريزت وفاها
‎غيثن على بعيد الدول والقريبين
واللي تثور بندقه في خباها
‎ما حرك الساكن بدار الحرمين
وحنا ترانا في يمينك عصاها
‎وأهل الحسد يا صامل الراي هابين
يبقاء الولاء للمملكه ونحماها
‎ويبقاء العهد من ماضي الوقت للحين

‎ ‏ الشاعر : علي أبوثنتين