مثل ماللحزن فـي عينـي اليمنـى

لـي مـن أيــام الشقاءمايكفيـنـا

مـن عطتنـا درس منهـا تعلمنـا

ماتعلمنـا شقـاء قـبـل تعطيـنـا

يارفيق الصبح مـا أنتـه براحمنـا

ليـه يــوم تمـرنـا ماتراعيـنـا

فيـك مـدري عنـك يامـا تكلمنـا

كنك أعذب شخص من شعب امانينا

فأخـرك تبـدأ بدايـات عالمـنـا

وفأولـك نتوتـر ونفـرك إيديـنـا

يارفيـق الصبـح وشلـون تظلمنـا

من لمحنـا الكـون ماعـاد يمدينـا

أختفـت بيـن المعالـم معالمـنـا

واستباحـت كـل (الأفواه)أسامينـا

يارفيـق الصبـح وشلـون لايمنـا

وانت ما أنت بعارف(ن) ويش خافينا

مانـمـد الـيـد مهـمـا تألمـنـا

لـو فتـات الخبـز ماعـاد يغنينـا

انتسامـا للسـمـاء وان تبسمـنـا

تضحـك الغيمـه لهيبـه خطاوينـا

ننتثـر فـالأرض مـدري تلملمنـا

المهـم أن السفينـه علـى الميـنـا

يارفيـق الصبـح عفـواً تحطّمنـا

لاتحطـمـنـا بحجة(تـربـيـنـا)

أن تكرمت أسمـع شـوي وافهمنـا

وان بخلـت الله يميتـك ويحييـنـا