منتديات المرقاب الأدبية - عرض مشاركة واحدة

14-04-2011, 11:04 AM

[poem=font="Traditional Arabic,5,seagreen,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اتقبّل الروس وانته سيّد الروس = في عطف ريّس يسوقه حب مريوس
وتواضع ٍ معطفه سيرة محمّد = يزود مع نبضك ومحسوس ملموس
الطّف من السلهمه في عين مفطوم = واصدَق من السيل في تبيان مغروس
وحنان وايمان بآن كفوف الاحسان = يملك بها المرء مع حسْنآته انفوس
واثبات باان الوطن بستآن ورّاف = في كل نبتَه مبيد ٍ يذبح السوس
واثبات باان الوطن عرين من يوم = شلفا معزّي تعشّت وانعَشت روس
ياحي ذاالعين لاباس وسلامات = طهور ياطهْر نبع ٍ ماله اعسوس
ياعل ماحَل تكفير ٍ من ذنوب = لو هقوتي جَمع ذنبك راس دبوس
في غيبتك كل من حبّك من اخلاص = ابطَت مراسيم وجهه وجه مضروس
ويَبْست محاجر محبينك من الدمع = يباس عود ٍ ثمان اسنين مشموس
رَجْعتْك لاارض الوطن سالم وغانم = فرَحة وطن ماتضاهي جاه وافلوس
ياالاجوَد اللي كفوفه من شهاليل = ياالمبتسم لو معاليقه على موس
ورجالك اللي على الجبهه صناديد = يوم الوغى دق لملاقاه نادوس
تدافعو ماصدَح بفميّهم غير = الله اكبر ويخسى طابخ الفوس
خذنا عباريد من ملح ٍ وبارود = لآن الشهاده لنا آجر ٍ وناموس
يامقبّل الروس حبّك عمّر اقلوب = يارمز في سيرته لااجيالنا ادروس[/poem]