منتديات المرقاب الأدبية - عرض مشاركة واحدة

14-04-2011, 06:25 PM

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
تطلّقي منْه بكره واخلي اسروجه = وخليّه يشمت مع الخيبه مخاسيره
وش لاقيَه منْه غير الكلمه العوجه = والعيشه اللي حرقَها جمر تقصيره
خليّه من مس حبلك ينفض اخروجه = ماهو بكفوك عديم النبل والغيره
لاصار نفسك من الحقران مسهوجه = وش يجبرك دام باالقسوه دهَن سيره
مايبخَص الارض غير مكثّر الدوجَه = ولايفضَح الشر غير مدوّر الخيره
انتي كثيره على من يبني ابروجه =في عالم الحب من ثورة معاصيره
عقليّته من ردى مجناه مرجوجه = وارياه مثل المهرّج باالخلا ابعيره
انتي كماله ونقصْه بانت افلوجه = وانتي سترتيه تحت الصبر والحيره
يابنت يااللي من التحطيم معلوجه = حتى غديتي رماد ٍ من تحَت نيرَه
انا احسدْه عل عمره تيْبَس امروجه = عليك يااللي معْك تربطني الجيره
ياتحفةٍ من عفاف العرض منسوجه = ماانتيب من قوم ابو غمزَه وتآشيره
عيني عن البيض من فتنتك مدعوجه = من يارد العِد وش خانَة مصاديره
هو ينظرك كل وقت بعين مبهوجه = وانا اتشوفّك باالعامين تصبيرَه
وشوفتك لو جوّها عجلَه ومحروجه = وبضعَة ثواني ماتقطَع للضما ديره
الّذ من فرحَة ٍ باالدمع ممزوجه = والَذ من مبسمْك لاثوّع الشيره
واليا تغشلا منابيتك ياعمهوجه = تقول من دم شرياني علَف طيره
ليت الزمَن للورى تفتّح ادروجه = مقدار فنجال من دله وتعميره
لااهج بك هجّة اللي ماخثَع غوجه = من عقب رَد الدبَش من قوم ٍ مغيره
وكنز السعاده بكفينك (كتالوجه) = واني لااعوضّك عن دمعْك و(شاميره)
تطمنّي كل ضيقه معْي مفروجه = والجرح الاقشر على يمناي تطهيره
ياقبلة الزين يازرعه ومنتوجه = بااقول لك حكمتي واقفّل السيره
ماكل من هو تزوّج حبّه الزوجه = ياما محصّن وعشقه في حضن غيره

[/poem]