مشاركتي في مسابقة ( شاعر الملك ) في قناة المرقاب

الخميس بتاريخ 10 / 5 / 1432




[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]

ياسيدي حل الفرح عقب الاتعاس=شدّه وزالت عن سماك بسهوله
لّانك .. تقي .. ماحل في قلبك الياس=ولّانّك .. من اللي يرتكي للحموله
لكنّ مهما نال جسمك من الباس=تراه نال بـ شعب كامل ودوله
شعب ٍ ولاه الكم معنّز على ساس=لو هزته ريح الفتن ماتزوله
فـ انته مرض جسمك وحنا بالاحساس=قلوبنا مرضا والاعضاء معلوله
من قسوة المشرط ومن جور الامواس=ضاق الفضا فينا بعرضه وطوله
عقل ٍ قلق وعيون ماطبها انعاس=وقلب ٍ خفق رهبه ونفس ٍ ملوله
لن اعلنت كل الوكالات عن واس=والحزن عنّا قام يسحب فلوله
لبست لنا الدنيا من البهجه لباس=فلّت جدايلها وغضّت خجوله
حتى .. ان فينا من يعزا على ناس=لاحت تباشير الفرح في قبوله
وتروّت قلوب من الوجد يبّاس=ترقب سنا برقك وتنظر هطوله
فـ انته مقامك في سما المجد نبراس=عندك عقود المشكلات محلوله
بظلال عرشك عاش من كل الاجناس=لين افقدو قيض الزمان ومحوله
حكم ٍ بتفكيرك وبجهودك يساس=لو حالته كل الدول ماتحوله
ولو .. اعطياتك تنحسب عمر وتقاس=خلّدت فالدنيا بليا كهوله
منزلك من رفعة مكانه ماينراس= ايعجز الحكام مهما رقوله
ملوك الارض متون وانته لهم راس=والراس ماتقدر متونه تطوله[/poem]



وســـلامـــكم