[poem=font="Simplified Arabic,6,white,bold,italic" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
يالله يامعبود ياعالم الخفا = ياعالم ٍ خربانها ومعمورها
يارب حضرنا شفاعة نبينا = لاتجا نهار ٍ فيه يبعث نشورها
قال الهذيلي واق في راس مرقب = في قنة ٍ متعلوي ٍ في جدورها
ابديت مايبدي وكنيت ماخفا = وتصفق بي الامواج غبة بحورها
ضدوني بني عمي كما ضد مجرم = وذوقتهم بعد الحلاوه مرورها
ونا آبيع وشري وآخذ الدين والسلف=وحسب لياليها وعدة شهورها
وعطي السلف راعيه لامن وجدته = ولاكلف الله نفس ٍ الا قدورها
رجال مايخطي لامنه أنكر الخطا = عسى يمينه ماتجبر كسورها
سووبي كما سبة عزيز ابن خاله = سرى بالليال الي عمي ٍ نورها
سرى لين جا بالما من الجم والعصى = وحذيان عود ٍ جابها في وسورها
لولا المخافه من مشذبت العصى= لا أوقد لهبها والهبايب تكورها
لكن مالي غير ربعي جماعه = ويمناً بلا يسرى قصيره شبورها
أقفو بني عمي هل العز والشرف = أهل محلات ٍ تعاوى نجورها
اقفو وخلوها تعاوى سباعها =وتساندو من سهلها لاوزورها
ماعاد جانا من طرفهم سواير = وبيوتنا ماعاد حي ٍ يزورها
لاجا العشا لكني جوف مقابر = صكو درايشها وطفو نورها
ياعين يلي كل مانامو الملا = لاهي تهيض ماتطرق حجورها
من شور عوّد عند من لايدله = ولا درى وش فوقها من حدورها
ونا اصبر وصابر وتبع الطيب بالرضا = وربها تنحل عسرات امورها
وعيا حصان الترك يسرج وينحرف = ولادرى عن نقلها ومعسورها
يالله في نو ٍ من البر لا البحر = ياخذ على الديره ليا راس دورها
يلين يرجع كل حي ٍ محله = تنبت جوانبها وتثمر زهورها
أنا لياغنيت ورتج هاجسي = اصبر على العالات لو جار جورها
وآعيل لامن شفت لي صف عايل = وألانذال يبقا كيدها في نحورها
لا انكرتها صكيت حجر على حجر = وعطيتها حتى توسع فجورها[/poem]
|