السلام عليكم ورحمة الله وبركاته



أقدم لكم هذه القصيدة عسى ان تحوز على إرضاءكم :-




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يالعبد لاتبدي بلاويك للناس=مايجيب دعوى المبتلى غير ربه
لو البشر تاتيك من كل الاجناس=ولو الطبيب ايجيك مافاد طبه
أرفع يدينك للسماء وارفع الراس=واذكر عظيم الشان وإبليس هبّه
لاتتبع الاوهام يطمعبك الياس=وتضيع في مستقبلٍ ماتحبه
والدرب لاتمشيه من غير مقياس=لازم تقيسه قبل رجلك تطبه
وليا مشيته لايجي فيك وسواس=خلك عزوم وضو دربك تشبه
ساير رفيق الدرب في ذهن وإحساس=لاتمدحه من هرجه ولاتسبه
ارسل على قلبه ثمانين عساس=عساسة الافكار تكشف مخبه
إما طلع مخلوق من نوع الانجاس=وإلا طلع حرٍّ علـى اسمه تنبه
ماكل من خاواك بالدرب لاباس=كم واحدٍ رفيق دربه لعبّه
مامن رفيق المصلحه غير الاتعاس=عليك مفعول الخيانه يصبه
امن الحسد لو تنعمس زادك اعماس=يرشدك دربٍ مختفيلك مطبه
ياصفلك ويرسم كروكي بقرطاس=مع نقرةٍ مطناجها تنقلبه
حتى ليا لبّسك من سود الالباس=يروغ عنك ويختفي وسط غبه
لكنّ ولع له ملايين الاكباس=يكشف قبل لامسلمٍ ينكبه
حدّ الخبيث وحاصره بين الاقواس=يالين ياصل مقلبٍ ينتصبه
دارٍ بناه يهد ساسٍ على ساس=لو محكمٍ مبناه والساس صبه
وإلا الرفيق اللي على العين والراس=من ثمّن الرفقه وزاد المحبه
اللي ليا حدك زمانك للافلاس=مايملكه من مال يمك يذبه
هذا رفيق العـز قطّّاع الارماس=اللي خويه بالخلا مايكبه
ولو اعترضله موج للموج غطاس=يغوص غبّات البحر مانشبه
واللي يذمّه تحت الاقدام ينداس=لو كان هبّات النمايم تهبه
الرِِّب مايلزق على غير لحّاس=ومن يلحسه يلزق على الشدق ربه
هذا كلامي واكتبه فوق كرّاس=الحق ضمنه والخطا ماانكتبه
قولٍ يصّّحي كل غافل ونعاس=واللي مايبغى الشور ماقلت لبه
والخاتمه عداد ماهب نسناس=واعداد مايبنى على السقف قبّه
واعداد ماحطوا للابواب حراس=صلّوا على المختار مرسول ربّه[/poem]




أخوكم/
عبدالعزيز الحربي .
إيمــيل :
al.mstshar22221@hotmail.com