[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلوني اتبع ضميري واتركوني طليق=وان غبت لاتنشدون انا بصحه وخير
الكون رغم اتساعه في عيوني يضيق=والضيم حده يشابه حد سيفً شطير
تلخبط الفكر بالدوشه وضاع الطريق=وانا الذي لو تركت صغير اهد الكبير
عبرت بالحلم والآمال وسط المضيق=رغم النكد والعنا واصلت ركب المسير
اصارع الموج وانا في حساب الغريق=واعرف خباياه ولا وش يكون المصير
حكم الزمن اشعل الاضلاع نار وحريق=والجرح مبرح وانا تايه وعظمي كسير
امضي بهالوقت وابحث عن نصيحة صديق=واجر جلد العدو يم الشجر والحظير
نامت عيونً عساها بالسسعاااده تفيق=والوقت اعمى ومن غيضه يموت البصير
عز الهلايم وجمّل جاه وجهن مليق=وأجهز على الحر ماله لامفر ومطير
ابكي على اللي يسمى بالزمان العتيق=واللي طوى سيرته من دون علم ونذير
عذبني الوقت واثر الوقت ماله رفيق=صادق بلحظه وطول العام وضعه محير
وصّل اساي الجرير وجاب ما لايطيق=حقبة زمن سيلت بالدمع وادي الجرير
وغابت رتوع الحمام اللي تجوب العقيق=وتكسر الصخر في خيبر وحرة مطير
وفقدت صوتن يعدي بالطوال ويويق=ايام بطش السباع اللي عطشها مرير
واليوم عسم سماي بكل فجن عميق=والزم علي التلاشي والجلا والهجير
مدام بعض المظاهر يازمن ماتليق=آسف ترى مظهري مهوب معكم خشير
ابتبع العقل واتركني بحآآالي طليق=وان غبت لاتنشدون انا بصحه وخير[/poem]