ياليت للنفس عن جرح الزمـان اتسـاع

والاعلاج الزمان ليـا بغيـت استطيـع

غاب الامل في عيوني والظمايـر جيـاع

شابت وجيه الامانـي فالفـؤاد الوديـع

تنهار الاحلام في صدرالبتـوع الشجـاع

لاشرفت له هموم الوقت مـع كـل ريـع

بين الجهد وانكسارات البنـادم صـراع

يشري وشهب الليالي من عزومه تبيـع

لو العزيمه سفينـه والطمـوح الشـراع

امال الانسان مع كثر العواصـف تضيـع

ياكبر جرح الخطاء يام العيون الوسـاع

وياطول صبري على جرح الزمان الفضيع

ديمومة الحزن ورتنـي فجـاج الضيـاع

عيني على الحلم والواقع بعينـي شنيـع

معزول فكري لواني في مكـان اجتمـاع

اغيب مـدري يورالـي يغيـب الجميـع

مايستلـذ الاصـم بنعمـة الاستـمـاع

ولاتسمن الهايمه لوكان ترعـى الربيـع

احباط الايـام والرفقـه يقـص الـذراع

والواقع المر والوقت الغريـب السريـع

يارب عفوك وغفرانك وحسـن المتـاع

في موحش الدرب يامولاي وانت السميع