محمد السواط

,


مما قلته في الطياره . ,
والله يخلي ابو مروي ( ياسر العتيبي ) ,
:

[poem=font="Traditional Arabic,5,black,bold,normal" bkcolor="burlywood" bkimage="" border="double,3,black" type=2 line=1 align=right use=sp num="0,black""]
راكب اللي نايفه في سما الطايف=اقلعت والعين بالشوف تتبعها
زمها اللي ماسمع كلمة الخايف=يوم شلّع في الهوى وارتفع معها
كبتنية رخصته ماهي مزايف = من وكالة ناسا ياناس قاطعها
من سكون الارض وغبارها عايف= راحته بين السحايب مطبعها
ناوي الدمام من رحلته live=ماتقول الا مع الجو ينتعها
لو تمايل كنها بابٍ مسايف=الصقور اللي ورى السحب تخلعها
لن تباطى واقبل وقرّب يهايف = اعرف انه من فضا الارض يمنعها
لاهبطتوا سلمولي على نايف= المراجل والمعاريف مشبعها
ترثة بن حميد طايف ورى طايف=فزعة في اللازم يبين مقطعها
من رجال ماتهقوى بهم حايف =لو كبده حرقة الجوع تمزعها
بلغه واستثن له ويش آنا شايف=والرساله خص ياسر لايسمعها
قول صاحبك استوى جوه الكايف = مهرته صفراء وصفت له اربعها
مستند ومتكّيٍ في ذرى نايف = والغيوم تعلله من تلامعها
مستفيق الخاطر مضيّف وضايف = اللحون اليا سرى الليل ينشعها[/poem]

. ,

,