[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طالت الايـام والعالـم تـردّد =ياعسى من ميـّل الحـال يعدلهـا

تلتفت للوقت والوقت يتشـدّد =والرسوم البيّنـه ماجـاو أهلهـا

والرجاء لو ان ماهـو بيتجـدّد =أمست أهموم الزمن ما أحد نقلهـا

كيف يسلى القلب والخاطر مهدّد =لعنبو نفس رضاهـا فـي زعلهـا

أعتزي وأقوم وأصمل وأتـردّد =الركـاب أسوقهـا وألا أعقلهـا

وأستصيب شوي وأقارب وأسدّد =وأترك أيام الشقاء علـى مهلهـا

خابر ان الحـظ لامنّـه تلـدّد =ابطت الاوضاع ما أستدرج عجلها

الظنون تخيـب والحلـم يتبـدّد =والعيون أم الخطاء ماأحد كحلهـا

تقبل الاعذار في الوقت المحـدّد =وان تعدّت وقتها ماأحـد قبلهـا

حالف اني ما أترجّـى وأتـودّد =غير للي بيده الانفـس وأجلهـا

واحدٍ نفحات جـوده ماتعـدّد =كلما مالت بنـا الدنيـا عدَلهـا [/poem] ‘‘ ‘‘ ‘‘