حبيب
تحزم بالسـواري والمحـدش ياولـد غنـام
ولا ترجع ليا شفت الغنايـم وانـت غنامـي
انا اشوفك تشيل البندقيه مـن زمـان العـام
ولكن الرصاص اليا شترك يرجع على الرامي
فالح
على مايسر الله ياحبيـب والوعـد قـدام
وانا ليش اتحزم بالسواري وانـت قدامـي
الد العين وارفعها ويشـر يمـك الابهـام
وعيني ما تطالع غير في جو السما السامي
حبيب
انا مني عدو لك انا لك فاللـزوم احـزام
ولن ما حزمك محزمك ابا حزمك بحزامي
تلد العين شرق ونيتك بالظبط يـم الشـام
وظاعت نيتك بالظبط بين الشرق والشامي
فالح
انا منيـب طامـع ياحبيـب لقمـة الايتـام
بعد ورتها عد الروى اللي يروي الظامـي
ياعارف نصرة المنظام نعرف نصرة المنظام
وانامالي دخل في نية كانـت مـن العامـي
حبيب
نصحتك لا تزود من طعام ن ماعليه ايدام
وخاشرت الفقارى في طعام ن ماله ايدامي
انا منيب مثل اللي يخمخمها بغير اخطـام
انا حطيت فيها القيد فوق القيد وخطامـي
فالح
لاتنصحنا ترانا نعرف الباني من الهـدام
مصيبه ياحبيب يطلـع البنـاي هدامـي
تحاول ياطبيب الصين لجل تطول الاقزام
وانا ربي مطولني ولاني مثل الاقزامـي
حبيب
عسى ربي يباركلك من الرفرف ليا الصدام
ولكـن المكابـر مانفـع حنـا وصدامـي
ترى ماكل ماورد شماغ احمر من البسـام
ياكم شفنا شماغ احمر لكن ماهو ببسامـي
فالح
عسى ربي يباركلك من الطايف ليا الدمام
ولكـن النهايـه لاتجـي طقـاق دمامـي
يقولون البحر راكد لكن البحر الاحمر طام
ياليتك ياحبيب ما تجـدد سالفـة طامـي
فارس موضوع رائع تشكر عليه
كل الوود ..