منتديات المرقاب الأدبية - عرض مشاركة واحدة

01-05-2011, 08:46 PM

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

الحق حق وكلمة الحق تنقال = والحق بيّن مثل نور السراجي
مهما بعدنا باقي القلب ميال = ماغيركم والله وافق مزاجي
لكن كيف احتال في امر لشغال = لامن بغيت آجي طرا أمر ٍ مفاجي
لي مدة ٍ مابين حل ٍ وترحال = لكن زانت كلها اشويّ وآجي
والله يعين إنتمم الهرج بفعال = ولا يجينا من وعدنا إحراجي
يالمشنوي الغامدي طيب الفال = أبشر ترا قرّب لنا ألانفراجي
خويّنا الي يبدع لزين لمثال = نهجه صحيح إمشابه ٍ لنتهاجي
ثابت على مبداه لو الدهر مال = مشيه عدال ولابه ايّ إعوجاجي
ولايهون أهل الوفا خيرة إرجال= الي معرفتهم على الراس تاجي
مهما ابتعدنا لاتزالون فالبال = باني لكم بالقلب قصر وسياجي
الوقت ماغير بنا قدر مثقال = حنا كما كنا سباع العفاجي
بالكاش نتعامل ولابه توثال = من قال لا ينحر وساع الفجاجي
لكن تهون ايحلها الف حلال = ولكل عله يالبليهي علاجي
والختم صلى الله على خير مرسال =اعداد ماهبت وثار العجاجي
للي عصاه وخالفه نار ونكال= ولي تبع هديه من النار ناجي[/poem]

الشاعر والصديق الغالي / علي بن احمد الخالدي
وهنا ردي عليه

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لاحت بروق الشوق ترعد وتختال = وآخيلها من فرحتي وبتهاجي
هل الوفا غيثه وسيل الغلا سال = ومع الفياض البيض له إدّراجي
يامرحبا مع كل جيّه وميصال= عيني تشفقها وقلبي يناجي
موج الغلا يصفق من الجال لا الجال= والجم راكد ماعليه ارتجاجي
تنبع عيونه صافيه عذب وزلال = ماهدّ في عذبه عيون ٍ هماجي
يروي عطش وآلذّ وأحلا من الحآل = وآقوّ من ضرب التفق بالمحاجي
يامرحبابك يابطل بين ألابطال = رايتك بيضاء عن كثير اللجاجي
وافي وعد وافي مواجيب وخصال = وآنا مع اهل الطيب عارف خراجي
وبعيد عن هرج الملقف ولنذال = هرج الرزين ولاعليه إحتجاجي
والله على النيّات يجزا وألاعمال = وآنا لغير الله ماني براجي[/poem]