.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقليل المعرفه (....) (.....) = ثمّن هروجك قبل تهرج معآي
بنت قومٍ ماتلحّقني عيوب = صيتها ماتوصفه عزّة حْكآي
صابني من دورةْ ايّامي شحوب = والحزن شبّك يدينه في يدآي
آتوارى عن وجيه القوم نوب = ونوبٍ اخفي من ورا ضحكي بلآي
لو قصد لك خافقي ماهو طروب = يقصد ودمعه يبلّه في حشآي
كم لبست الحزن من دنياي ثوب = كم تقهويت المواجع من شقآي
كم شربت الهم يوم الضيق كوب = صب لي علقم سنيني وسط فآي
كم عسفت العمر اطوي بالدروب = كل دربٍ مرّني بعثر خطآي
كيف تبغاني عن احزاني آتوب؟ = واحضن طيوف السعاده من هنآي ؟
وكل حلمٍ زارني وقت الغروب = لوّح بيدّه وهاجر عن فضآي !
بلّغ اللي عن احاسيسك ينوب = ماشحنّي هرجه اللي من ورآي
كان قلبه ضاريٍ على الذنوب = سامحه ربه .. انا صبري عزآي !
مير لاضاقت عليْ من كل صوب = قلت : يكرم قدري ويسلم نبآي !
[/poem]
.
|