بقولكم سالفة هالداب ..

العام فتحو محمية ( روضة الخفس ) شمال مدينة الرياض تقريبا ً 130 كيلوو
فتحوها آخر المرباع وقبل لاتفتح كانت ممنوعه ست سنوات على التوالي ..
بمعنى هالست سنوات جعلت من الثعابين بيئه خصبه لـ التكاثر عساها ماتكثر
جوها اهل الباديه من كل مكان حتى اصبح البعد بين الذود والذود الاخرى
تصل الى 300 متر تقريبا ً .. كان الوقت بدايت طلوع الزواحف من جحورها
جرتها فالارض توحش من يراها فما بالكم فيها كأنها ارقاب البعارين فالارض
وكثير مانجد اثنين مع بعض وسبق نزلت صورتها فالمشاركات السابقه ..

اما هالداب الموضحه صورته اعلاه وجدنا جرته بقرب جحاره كثيره وقمنا
بدهس الجحاره بسيارة الماء ( السقس ) حتى انهدمت ولا لم يبقى لها اثر على الارض
بحكم ان الداب مايحفر الجحر .. قلنا خله يموت داخل جحررره ..
ولكن تفاجأنا بخروجه بعد 15 دقيقه من الدهس واكتشفنا ان الثعابين قادره على حفر
الجحاره فالارض وذبحناه وبعد خمس دقايق طلع الثاني والله مازليت عليكم ..وذبحناه
مع خوويه .. لاعادها الله من محميه .. مات من البكار مع اهل الباديه كثير من ظمنهم
حنا مات عندنا بكره وكان به شك انها مقرروصه .. الغريب في هالثعابين كلها تتشابه
وتقريبا ً حجمها متقارب ..

نسخه من الصوره لكل من /
خالد الروقي
عفاس حرباش
مطلق دعيج
عبدالله الزراقي