تمهيد :
رحل الرجل .. بما له وماعليه ..
نحن نراه بعين ( ماله ) ونتغاضي عـــ ( ماعليه ) !!.
نكلهُ الى خالقه .. ونسأل الله أن يغفر له ويرحمه ..
اللهم آمــين .






ـــــــــــــــــــــــــــــــــــــــــــ


[poem=font="Arabic Transparent,6,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]

اخطا .. ولكنّه رفع راس الاسلام = اخطا .. ولكن هات / عطني مثيله
والله مابه مثله .. إلاّ بالاحلام = على كثر مااخطا .. فلا فيه حيله
غـيّار / مايرضى على الدين ينضام = والغايه انبل من دنّـو الوسيله
جـبّار / يوم ان العرب كانوا اقزام = شِفْ وقفته .. لاتنشده عن دليله
تِشكّل / من المملكه نصف / والشام = نصف / وخذا من كل خصله نبيله
فارس عرب ما يلتفت صوب الاوهام = مامات قلبه مثل مامات جيله
استلهم امجاده من اجداده وحام = حومة وغى تشفي النفوس العليله
.
.
حومة وغى غيّر بها وجه الايام = وهبنا / في ذلّ العمر / عزّ ليله
وان كانه اخطا وجرّحه كل لوّام = يدمح خطاه الموت / والله وكيله
يكفيه مااستثمر ملايينه ونام = فــ الغرب وحطّ من الربا له حصيله
يكفيه ماشارك هوامير الاعلام = واعتاش من هزّ الخصور النحيله
صلّى وحجّ ووحّد الباري وصام = واقفى شهيد / الله ييّسر سبيله
وحنّا العرب ننهان عامٍ ورا عام = واسلامنا ماكنْ حنْ ننتمي له
نحيا على ذلّ العروبه والاسلام = ونموت وحنّا نفتخر بالقبيله !!
[/poem]









ــــــــــــــــــــــالله يسترـــــــــــــــــــ