بناءٍ على النوماس

قصيده للجمل هدلان وراعيه : عزيز بدر الماجدي

والخشير المرقابي : الشاعر / أحمد بن بدير


مشاركه بسيطه بمزاين الأبل بدولة الكويت

الروضتين



..





[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] شايـف وعايـف ميـر والله العظـيـم=الأبـل .. قلـبـي مايجـنـب حبـهـا

عزيـز خالـي والكـرامـه للحشـيـم=المـاجـدي والمـرجـلـه ماكـبـهـا

مايكسر إيديـن البخـل غيـر الكريـم=واللـي يشيـل الحمـل لايحـدب بهـا

وماتفسد المعـروف عرضـات الغشيـم=والوقت له صفحه وانـا بشطـب بهـا

لـو صـدرّ السايـر مواريـد البريـم=ماولـع الاســواق منـهـو طبـهـا

كـلٍ يقـول لشفـه يازيـن الخشـيـم=ولا المشاعـر نشبـةٍ ينـشـب بـهـا

ياليت ماتنفع ..؟ وانـا وضعـي سليـم=والمدح لـه حـزه وانـا بركـب بهـا

هدلان .. كنه سلـة السيـف الصريـم=ولا الصراحـه ضربـةٍ يعطـب بـهـا

بظهر الحمامـه مانبـت ريـش العديـم=والصـح هيبـه والهـبـوب اتهبـهـا

الابل .. عطايا الله .. ولذات .. ونعيـم=أبعـد مـع الاحـلام ولا اقـرب بـهـا

وابرئ من البسمـات ودمـوع اليتيـم=وحاجـه مـع الاجـواد ثابـت لبـهـا

فيها الشكالـه نـوع والـراي الحكيـم=ومعهـا المـزاج يـروق وانـا احبهـا

لاعرضـتّ هونـت يالجـرح الألـيـم=والنـاس تسعـى زيـن والله ربـهـا

ومثل الخضار إليا كسى روضـة خريـم=يـرتـاح بـالـي والهـمـوم اذبـهـا

حتى إيش .. هي غاية من اللي فيه ضيم=وغناة نفس اللـي يبـي يطـرب بهـا

لكن .. كن اليـوم وسـط الجـو غيـم=وصارت جـروح القلـب داخـل طبهـا

بعض العرب ماهـو ليـا هـب النسيـم=يلعـن مشاعرنـا قبـل يقلـب بـهـا

بدو وحضر .. واحد على السلم القديـم=مافيـه روح ورد ولا احـلـب بـهـا

والشاعر اللـي مامعـه فالشعـر ريـم=اقول لـه كـل الشعـور احطـب بهـا

لاباس جـاك برطـم وانفـخ ياشريـم=امـا مـدحـت الـنـاس ولا سبـهـا

قلب الرجل ..؟ مايذبحه غيـر الحريـم=والمـدح موقـف حالتـه يكسـب بهـا

أستثـيـر العاطـفـه .. والله كـريـم=والأبـل .. قلبـي مايـوخـر حبـهـا [/poem]