.
.
[poem=font="Mudir MT,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هب النسيم وداعب الجوف نسناس=يرسم حدود الجافل المستذيره
الشعر له في هامة المجد نبراس =.يحيى على شوف العيون البصيره
احدٍ على هوج المحيطات غطاس =.واحدٍ على الساحل يدينه فقيره
ما طاح / من غصن التناهيد هوجاس= الا سموه سل سيف المغيره
ليل ٍ تعانق فيه الانفاس بنفآس=جنحه فتح في صفحة الغي سيره
يحتاج في معتم دياجيه دواس =حيره ويتبعها ثما نين حيره
اللي يبي ياخذ من الشعر مقياس=يطلع مع المعنى وتيره وتيره
ماهي على طرق الغزل / بين الارماس=ولا هي على طاري عشير / وعشيره
سحايب / ما داجها كل عساس=خير جلب في ساقته كل خيره
لا باس يا عشر الكواكب ولا باس= لو نبتدي بالاوله / للاخيره
الثانيه بالمختصر بين الاقواس = تبقى على ديم القوافي مديره
والثالثه /طوح لها كل قرناس=ويموت فيها عذب الاحساس غيره
والرابعه ياقف لها كل مياس =منها / وعنها ما تبوح السريره
والخامسه لا من غشى الليل عسعاس= لها مع انجوم المجرات جيره
والسادسه يوم اعتلت قب الافراس=جاوب صدى الساحه / خطيره خطيره
والسابعه والثامنه /من بني ياس=والتاسعه . عنها عيوني ضريره
لو المشاعر يا سماء نجد تنقاس = في داخلي جيتي لزادي خشيره
وش عاد لو يزعل من احساسي احساس= ناس ٍ تربو في معاليق ديره
ريم الفلا اللي توجوها بالالماس =لو صغروها في عيوني كبيره
فيها الذهب غنى على دق الاجراس=.ومعها انكتب للحرف حب ومسيره
كم بسمةٍ من ثغرها ذوبت ناس=ماذاب سلسال ٍ على جيد اميره
استقبلك فرحة / تهاني ونوماس=وانتي نقيض احساسي المستثيره
واللي بسط سبع الارضي على ساس= ان الكواكب في دجاها منيره[/poem]
.
|