[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قصيده ، ثوبك استبرق ..وكفينك ذهب والماس = وثغرك ، ماعرف جرح اليباس ..ومنهلك جمّه
طلبتك ، سلّمي صوت المشاعر ..قدّك الميّاس = وميلي ، وانهلي من شاعرك مايبري الذمّه
تهاوي ..من معاليقي ، على كفي ، على القرطاس = وانا اضمن لك بحول الله تعالى .. قمة القمّه
غنيّه ، والفقر ..ما يسكن الاّ في صدور الناس = ضحاياه ، العباد اللي رزاياهم تحت كمّه
ابوه الهم ، وامه كسرة الخاطر ، واخوه الباس = وضيق الحال ، والحرمان ، والحاجه ..بني عمّه
تعوّذ من بلاويه ..النبي الهادي النبراس = وذمّته النوايب ، وابن ابي طالب علي ذمّه
عساه الموت ، فقرٍ ..عرّض غصون الحياه الفاس = وطش النوم قدّام الفقارى ، وازرت تلمّه
وبعد خلّى الكفايه حلم ، وعيون الصبر نعّاس = وقف له ..من شرب عذب المكارم مع حليب امّه
ولد صقر الجزيرة ، قايد الامّه ، صليب الراس = عدو الفقر ..من سبّب عماه ، ومن هدر دمّه
بصندوق الفقر .. لمّ الجيوش وحارب الافلاس = وحرّر بالضمان ..اسرى الظروف ، وزالت الغمّه
مشاريع ..انبتت روح التفاؤل في قبور الياس = وكفّت دمعة الطفل اليتيم ، وفرّجت همّه
ملك شاعر ، بحاجات البشر في قمة الاحساس = وانا شاعر ملك ، تعجز حروفي تحتوي كَمّه
جهوده ، غيمةٍ ترقى السما ، ويسوقها النسناس = تدوّر رحمة الله فالخلايق ، مالها يمّه
على كل الدول يمطر مطرها ، والزمن عسّاس = ولايعرف حدود المستحيله ..عالي الهمّه
جزاه الله فردوس النعيم ، منومس النوماس = مليكٍ ، مايمرّ بحاجه الاّ تلتفت يمّه
[/poem]