من كثر ما احلم واتمنى وامنّـي
.......................... ماعاد احس بواقعـي لـو تأكّـد
ماغير اسج بطرقـةٍ عكس ظنّي
.......................... واحسّب اللي راح منّـي واعـدّد
ضيعت وقتي في الشعر والتغنّـي
.......................... والشعر ماهو مجد ولاهو ممجّد
اكتب وازيّـن واتغـزّل واغنّـي
.......................... ويروح يومي بالعنـا والتوجّـد
ماكل طرقات الحيـاه اوصلنّـي
.......................... ولاكـل حـزن لا نهرتـه تبـدّد
و لا أخبر اللي في حياتي غبنّـي
.......................... إلا قصـيـدٍ نكتـبـه مايخُـلّـد
عفت الشعر واقفيييت حتى لو إنّي
.......................... اكتب وكل النـاس خلفـي تـردّد
خلوني أقضي العمر اصلي واثنّي
.......................... لأجـل إلهـي هامتـي واتهجّـد
يغنينـي الله يالشعـر والتغنّـي
.......................... لو إن فيك امجاد .. مَ ابغى اتمجّد