.
يا مغرقي بعد البحر والسفينه
..................ما كان من فيض الاحاسيس كاين
القلب ينبض / والمشاعر سجينه
.....................والشوق بان وخاطر الشعر شاين
تعال /بلل وجد روح ٍ حزينه
..................... واطلق سراح النايفات الرهاين
ما اهتز في لحظة غيابك مدينه
..................... الا تهاوت / من فراقك مداين
عيا الترف يرضى بغيرك خدينه
.............وحسنك رفض يبقى مع الوقت خاين
شفايفك تاخذ من السحر عيّنه
.................... ومن العذوبه فيك من نهر ماين
نفحة عبير الورد عندك رهينه
......................ذابت على فواح ثغرك جناين
عودك ليا عانق هبوبك سكينه
....................غصنٍ على حلو المشاريب لاين
واليا تقفاك الهوى فيه بينه
..................... كنه على بعض التقاسيم ماين
وفي مفرقين الصدر تينه وتينه
.....................طلع ٍ على ريح النسانيس باين
بالمختصر حسنك نفى كل زينه
................. في ناظري لا جيت اميز واعاين
.
|