محسن المقاطي

.

حسب المهن/ تملي علينا العقيده
.................. لو تعطي الخباز دره عجنها
واللي من اظروف الزمن مستزيده
.................السابق اللي حظها ما حظنها
ترسم من انفاس المعاني قصيده
..............تحسرجت والنفس تؤمر/ وتنها
احس من بين الضماير وقيده
.................. يوم المحاني تمتمت في لحنها
ماهي على مرباع صدري جديده
.................عذراً تباها بالغلا في وطنها
ما احتار فكري هي من اية بديده
................المح عتبها يوم سابق شجنها
يضفي عليها من وسوم العنيده
............. نسج الخيال اللي تلوى رسنها
يرخي عليها للنويا البعيده
......... وان جرها حلو اللحن خفت منها
ما جيت افكر في مسمى فريده
............... لو ان ربي فـ المعالي فتنها
ارقى / وترقا في جملها المفيده
....... واحاول احجب بعض الانظار عنها
بان بـ سما عيني ملامح طريده
.........لو ما شكت من جرح /بيّن وهنّها




.

.
يقول الليل جاء / للخيل سارج
....................... تحريت الصباح /وقلت منهي
لو ان الوضع عندي ما يخارج
........................انا / مامور في فكري ومنهي
اشوف احيان عندي شي دارج
...................ابي حاجه / ونا ما ادري وشنهي

.
https://twitter.com/MOHSN55