(1)
انتي هنا ..
بيني وبين الشمس ..
وخيوط العنا !
****
(2)
يا اكيده في زمان الـ ربما !
يا بعد ما جفّ فـ الروح ..
ونما !
يا إنحيازي لـ السكوت ..
ولـ القصيد ..
ولـ البعيد من الخيال ..
وللسما !
****
(3)
يا أجمل ماضي سنيني ..
وعمري الجاي !
بديت أنسى معك روحي ..
ولا أذكر قصة جروحي ..
على كل من حكى ويّاي !
معاك إن غابت عيونك
............وتاهت فـ المدى عيني!
أكيد أكثر من ظنونــك
..............كثير أشبه لـ تخميني !
/
\
/
يا مجنونه ..
يا قلب الشعر ..
وعيونه !
يا عقل الشاعر المكتوب في دنياك لآخر حرف ..
وجنوووونه !
اثرني قبل اعيشك ..
ميت !
ومتشرّد ..
ولا لي بيت !
وعشت الحبّ فـ الهامش قبل قلبك ..
ولا حسّيت !
بديت أشعر بعد قلبك ،
............بـ معنى يكون عندي قلب !
خذيني معك في دربك ..
...........لو إن موتي فـ هذا الدرب !
/
\
/
خذيتيني على ..
مدري !
ولا ودّي بعد
أدري !
لو إني بسألك .. أولى ..
سؤالي عن طفل .. صدري !
فقدته بعد ما جيتي ..
وغنّيتي !
وسال الصوت في روحي ..
وضيّفتيني .. في بيتي !
ورحتي به على ..
مدري !
ولا ودّي بعد أدري !
حضرتي ، واشرقت شمسي
..................وقلبي في وهجها طال !
احبك فوق ما نفسي ..
.............تبي تصبح لـ بردك .. شال !
|