.
البارحه كنـي وحشتـه وجيتـه
................ مشتاق لي والمشكله مايبيّـن
أقول له مثلك يريّح فـي بيتـه
................ وانا اجي له في الوعد لاتحيّـن
اخاف تتعثـر بـدربٍ مشيتـه
................ لان الكعب لا جا برجلك تليّـن
واغار من لفح الهوى لاقفيتـه
................ ويقول لي متبسمٍ : .. ياحنيّـن
وانرفزه وإليا طلبنـي عصيتـه
................ وإذا تنرفز قال لي : زيييين هيّن
ودي بشوفه كل ما انا اشتهيته
................ ولشوفه ! اتعـذر بشـيٍ معيّـن
اجيه ظامي وابتعد ما ارتويتـه
................ وحاولت اصد خطاي عنّه وعيّن
ليته يشوف اللي بعينـي ياليتـه
................ يوم إني احاول عسـى مايبيـن