[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الضيق بيبانه على صدري اوساع = والهم في عيني مثل ماتشوفه !
والبدو حطوا قفل في عوج الاضلاع = ( عيباً على الرجال يشكي ظروفه ) ؟
هذي ظروف اشكال واحجام وانواع = فأبعد سنه بين السنين محذوفه
والشاعر اللي يدخل قلوب واسماع = مطيحه اقرب لاكتب من وقوفه
مكشوف للعالم ولو يلبس قناع = وهذا سبب حزنه وهمه وخوفه
واللي يدور من ورا همومه ابداع = ميت ولو عاشت بموته حروفه
لو للمشاعر سوق تشرا وتنباع = بعت الرضى وان زاد بعت الحسوفه
واشري بها فرحه وراحه ومرباع = واربع سنين من الحياه مخلوفه
ويروح ضيق الصدر وتزين الاوضاع = واكسر رماح الهم واغمد سيوفه !
والله ماعاد اكتب ولا اقرا ولا التاع = وامر درب الشعر كله واطوفه ! [/poem]
|