|
المتهم 50 يا سنجار
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سنجار زر صاحبك وبلا عياره= قدام تزعلني واسميك سنجاب
حنا نمشيها بدرب الحضاره=وانته تبا تسلك بها شرعة الغاب
وانا نقيب ومعي نوط الجداره=وانته على ما اظن ما نلت الاعجاب
وان كان في راسك شوية نعاره=ترى من الرجه نعارتك تنساب
والمجرم اللي فكّ باب العماره=جته المحاذير الكثيرات ما تاب
خله يذوق المرّ تاره وتاره=ترى مخاوته تعرّضك لعقاب
وتراك لو وقّفت لو في يساره =يمكن تنوشك عضة الضرس والناب
عندي على جرمك ثلاثين اماره=حنّا نحسبها ولو مانت حسّاب
قصيدتك تذّن بها فالمناره=وتضرب بها مابين مشروه وعتاب
وعليك شكوى من حليمه وساره=وشكوى من ام قرين ومن ام مخلاب
واظن يكفي عن صريح العباره=شوي تلميحات يا اولي الالباب
لا تنقل الكلمه وهي عن زراره=وزراره اللي ينقل الكذب كذاب
خذها من اللي وجه صدقه مساره=لاهوب يترددّ ولاهوب ينعاب
ومدوّر الفتنه يضيع وقاره=يسرح على اللكزس ويضوي بدباب
احذر من السدّ المهيب انهياره=واحذر من الوادي تغاريز وانشاب
واللي بيصدم في عمود الاناره =لا يعتذر ماشفته النور غلاب
والطير لا يقرب خشوم النماره =وتهديدكم والله لا ودّى ولا جاب[/poem]
عضويتي في منتدى المرقاب تدفن وتحفر = ولا لي عمل بيّن ولكن ابشروا باللي تبون
حكم , عضو , مدير , مشرف , منتهي! , ضابط خفر = اهم شي اطبق ادواري من احسن مايكون
واحد نفر والظاهر اني عن (300) نفر = مادام ابو عطفه معي ولاتهون الساكتون
لا طرف الليل آخذ سلاحي معي دايم وافر = المنتدى كله واحرسه والخلايق نائمون!!
وتراي تاجر منطنخ (واسلف) الوجه السفر = وعندي حوالي (6) سيارات في حوش الفنون
ونيت , لكزس , كامري , فكسار , هوندا , شفر = <<< اعقب ياهالضابط يحسب ان العرب مايفهمون!!
مير المصيبه عادني عزابي ولا لي مفر = ابغى الزواج ولا حصلي والا انا قلبي حنون
تدرون عاد ابي معي في المنتدى عضوة خفر = ابتزوج ساعدوني ياعساكم تسلمون !!
.
|