منتديات المرقاب الأدبية - عرض مشاركة واحدة

08-06-2011, 01:15 PM

س / ما هي اول " خمس " اعمال تقوم بها اول ما تصحى من النوم .. تلقائياً .. ؟

ج / 1 - اقوم اغسل خشتي ( وهذا العمل على حسب الرغبه اذا كنت زعلان مو لازم اغسل اروح على طبيعتي ) .
2 - البس ثوبي الفاخر واتأكد من عدم اتساخه لأني احيان ادخل البيت ويخمني واحد من البزران تلقاه اكل مكرونه ولا اثار العصير على شفتيه ولا يحب يبوس ابوه الا ذيك الحظه يعني وقفت المحبه الا ذيك الحزه . اما اذا كان ايام برد يالطيف تلقاني امشي واقف شوي وارتاح من كثر الهمول الي علي ( ثوب صوف - كوت - بجامه داخليه - شراب صوف - ولا مانع من وضع الشماغ على الأنف )
3 - اخذ الاب توب حقي واوراقي ’ الي مايعرفني يقول يشتغل في الإدعاء العام من كثر الأوراق .
4 - الشغل السياره واروح للعمل . عاد الله يعينك راح تسمع بعض الكلمات الي ماهي زينه وانت واقف عند الإشاره وتشوف واحد يمد يده عليك ويأشر ومعصب وانت عارف ان الألفاظ ماهي زينه بس تضطر الى اغلاق الزجاج لتبين له انك لم تسمع شي . طبعاً راح تكون الشمس في وجهك تدور النظاره الشمسيه ماتلقاه تكتشف بعدين انها مع واحد من الشباب حقينك ولكن لم يبقى الى بعض الشظايا منها .

5- تصل الى العمل وتجد تم اغلاق الدوام بالخط الأحمر فيقول لك مديرك ( والله يبو عبدالله انا استحي منك يعني ولا يوم جيت فوق الخط , مايصير الكلام ذا ولا تبينا نخليها اجراءت رسميه ولفت نظر ) فتبادله ابتاسمه صفراء وتقول له ( يبو خالد والله الطريق زحمه - الكفر بنشر - صدمت مع واحد - قمت متأخر - )

س / مجموعة الدب القطبي ماذا تسمى عند سكان الباديه ؟