منتديات المرقاب الأدبية - عرض مشاركة واحدة - (75 دولاراً) لكل من يصطاد جملاً في استراليا..!

11-06-2011, 12:31 AM

هههههههههههههههه

اجل من ملوثات البيئه / حرام انهم ما صدقو
يمكن واجهوا من الابل السائبه مضار مثل اكل المحاصيل الزراعيه وحوادث السير
حنا هنا فـ السعوديه يواجهنا من المخاطر مالله به عليم / ولعل اغلبها الحوادث وازهاق الارواح

الاكيد على طاري حوادث البل / هذا واحد دوبه مكون البل
ويحسب ان الناقه " نعجه " ماهيب ساريه تدور ولدها
و عنده ناقه تحتها قعود و من الدلاخه المتناهيه ما شال الحاشي وجابه / جاب البل كلها
لـ السوق اللي بينه وبين راعي البل ثلاثه كيلو و يفصل بينهم الخط العام الزبده انه يوم وصل لـ السوق فرد ( الحاشي ) ورد البل مع دربها
ولا جود شبكه الناقه سرت تدور ولدها و قطعت الخط متوجه لـ السوق
و تعرضت لـ ابن حلال ساري و صدمها .

خل عاد الاستراليين اللي ماهم يم البعير خير شر