السلام عليكم
ابطيت على الشعبي واعذروا قصورها


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
طفّ نار الضيق عنّي يابراد السوده = انت طب اللي من البارح يدوّر طبّه !!
جوّك الصافي ليا ذعذع عليّه نوده = كل ماطفّى لهيب النار عوّد شبّه !!
خاطري ماجاء يدوّر حاجة ٍ مفقوده = ماخفى بين المحاني عالم ٍ به ربّه !!
الزمان احجّته فوجيهنا معقوده =والحياه اتنبّه اللي كان مايتنبّه !!
والدروب طوال وحبال الشقا ممدوده = والبحر موجه مارد اللي غطس للغبّه !!
*اتأمل فالخيال وبارقه ورعوده = ياعسى وبله على هاك *الديار ايصبّه !!
من كرم ربي ومن فضله وزايد جوده *= يسقي الاوطان والزرّاع ينبت حبّه !!
*ارضنا من حسدنا اللي بيننا محسوده = الربيع اقفى ووش باقيلها تنصبّه !!
قام ياكلها الدهر والغصن ما اخضر عوده = وان سقاه الغيث ذعذاع الرياح اتهبّه !!
والعرب ماهي على فعل الردى محدوده = والغشيم اللي هوى نفسه يبا يلعبّه !!
ناهج*ٍ له *منهج ٍ ماهو *بنهج جدوده = والنميمه والحكي فأهل الوفاء ماكبّه !!
*شال فالمجند رصاص ٍ ميّت ٍ باروده = مايثور الا رصاصه وحّده من نبّه !!
كل مازهّب وثارت / وقعت فعضوده = ولاذخر لعداه ممّا *في حزامه حبّه !!
جعل ماله عيّنه بين العرب موجوده =مثل هذا ماتحصّل لك رجال اتحبّه !!
ياعساه افدى لراعي السيره المحموده =في هذا وامثاله من الناس مايتشبّه !!
الرفيق اللي ينومس*لابته ممدوده =*كان مايمدح رفيقه */ فالقفى ماسبّه !!
والردي يبقى ردي نقصه يشابه زوده = لاش لانفعه ولاحتى يكمّل نبّه !!
ياعسى بيوت الردى فوق اهلها مهدوده = وباني القبّه على راسه تطيح القبّه !! [/poem]

mrm@mergab.com