[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله حسيبي على ساهر ومن جابه = اللي يكلفت دراهمنا على الفاضي
عيشة وراعيينا كم راحت نهابه = يامن نقاضي وسارقنا هو القاضي
نصبر ونصكت ولا نطري ولا جابه = رجّالنا ياكل العلقه وهو راضي
أبشر بنا لابدا للهرج طلابه= وإن جيت للفعل ماتلقى له محاضي
مطنوخنا يدّرج ويفتل اشنابه =وإن بان وجه الحقيقه جات الاعراضي
تلعب به أم الركب وتخونه اعصايه=ويقول مالي ومال طوال وعراضي
كلن علينا بمهباده ومشعابه =ياخذ بنا في دروب الغبن مركاضي
كم تاجر وكم شريطيٍ بلشنابه=وأهل المصالح كلونا نقد وإقراضي
وأغلب خدماتنا شركات لعابه =تنتف رموش العيون وخلّك رياضي
واليوم ساهر نعض الارض بسبابه =بسم النظام ذبحتنا شركة إعتاضي
دنياً على ذي الصفه ماحولها ثابه = ياعنك طيب الحياه أصبح من الماضي
من يوم دار الزمان وكشر انيابه =واضحى يعمر جديده فوق الانقاضي
[/poem]
|