مشاركتي في برنامج شاعر الملك مع التحيه للجميع
[poem=font="Simplified Arabic,5,black,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
حب الملك تاج نشيله على الروس = اللي بظله مملكتنا عروسه
نفرح لاشفنا الرمز ابو عقال منكوس = اليا بدا بأبها الحلل من البوسه
ونفخر بقايدنا و للفخر ناموس = غيث الديار اللي تباشر اعسوسه
خيره لكل الشعب واضح وملموس = ومكارمه غبت بحر من يقوسه
اعلن قرار(ن) كل مافيه مدروس = وللشعب بيت المال وزع فلوسه
اغنى الفقارى واسعد ارواح وانفوس = اليوم تضحك بعد كانت عبوسه
كم اعتق ارقاب وكم فك محبوس =افرج عن اللي فالسجون محبوسه
له سيرة لو تنتسجل بقاموس = يبدا بها شرح المعلم دروسه
له الولا الي من على الجدمغروس = وله المحبه فالقلوب مغروسه
وحنا على يمنا البطل باري القوس = نفداه ساعة يطلق السهم قوسه
يلي تهوجس في وطنا بهاجوس = اللي يهوجس فيه نخلف هجوسه
ومليكنا لادق للحرب ناقوس = بأوامره كل البلاد محروسه
نذن على روس الطواغيت وندوس = ودون الوطن درب المخاطرندوسه
اليا طحنا الحب نقضي على السوس = واليا بطشنا كل صافي نحوسه
من شاف حدالموس مايقرب الموس = في ساعة ماللشنب غير موسه

[/poem]