منتديات المرقاب الأدبية - عرض مشاركة واحدة

22-06-2011, 09:17 AM

المشاركة الأصلية كتبت بواسطة محسن المقاطي

.

.

يا ثورة الاحساس من نابع الود
................اخذي من انفاس القصايد وودي
صولي وجولي بالحشا ما نبي رد
.......................والهرجه اللي بالمعاليق بدي
والجارح اللي يكسر الحوم لاهد
...................اشقر جناحه للهبوب امتصدي
هو ما درى اني عنه جيت اتنشد
...................كني على حروة خبر وامتقدي
وبعد استوى لي حامض العلم والجد
....................... هنا لقيته في مرابع معدي

الله الله يامحسن من يستطيع مجاراتك

اعذرني على هذه البويتات يعلم الله ماهيب ربع ماقلت

ولاكن الجود من الماجود والطيب عذار فديتك

ياها جس ن يربك ضلوعي الي اشتد
........................لاصار لسمان المعاني تحدي
يحوم من فوق الخضيرا ليا احتد
.................ويقلط على الجزل السمين المسدي
ياهاجسي قل للعديم البحر مد
......................عان المراكب فيه قامت تهدي
يافارس الفريس ياوافي المد
.....................شرواك نبراس الكلام المقدي
تصرف ذهب وتعاند الضد بالضد
...................الحرف كامل والشعور امتعدي
لبستني من طيب ذاتك بلاعد
................. وغمرتني بالطيب وانا امتردي
لاكن سامحني على خاطي الصد
.................اغيب عن شرواك ماهوب ودي
واليوم يوم اسهبت واجزلت من جد
............... ماكن ابه واحد على الارض قدي