لي صاحبٍ عاقل وله قلب مجنون
تزين لا شفته حياتي في عيني !
جاني وفي وجهه من الضيقة عيون
تقول كل الحزن مدفون .. فيني !
سألت خير ؟ وقال من كانت تمون
على نبض قلبي .. وباقي سنيني ..
من كنت اعلمها وفا الحب وشلون
وافرش لها دون الاذى .. راحتيني !
يا ليتني ما شفتها البارح .. تخون
وتمسح ملامحها من خطوط ايديني !
واجهتها بسرعة وسالت على الهون
دمعه تقول ، تشك بي يا ظنيني ؟!
قلت ايوه كمل .. قال اكمل؟ يا مجنون
صدقتها طبعاً .. وكذبت عيني !!
|