[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
على باب الامل واقف وادور للشعور دروب = ولا حصلّت غير الشعر يجرد عهدة لساني !
احس بحال وأشعر بأن قلبي لاكتبت يذوب = ولاأدري وين وديته ولا أدري وين وداني !
ذكرت الذكريات وقلت وقتي لو يجي مقلوب = بوقف في طريق الذكريات ولا تعداني !
لكن اللي حصل مكتوب ، واللي ماحصل مكتوب = وعسى اللي راح يفدا اللي تمنيته ويفداني !
مثل مالي من الآمال .. لي بين القلوب قلوب = تمنى فرحتي وتدور اللي يبعد احزاني !
وفيها قلب ينبض لي وحتى نبضته بأسلوب = ولو قلت اترك الدنيا قطع نبضه على شاني !
ابادله الغرام وخاطري في غيبته مسلوب = وأذا عوّد تقول الحظ باللي فاتني .. جاني
تسميه الليالي واسمه اللي يخصني محجوب = وهو عكس اسمه الاول ويشبه لأسمه الثاني ![/poem]
|