[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بلايا يا بلايا يا بلايا=ياكيف تروح ما همّك غلايا
تبي انساك واسلا عنك وادله=ولا يبقى من سنينك بقايا..؟!
انا لوّي سكنت بقلب غيرك=محال يطير غيرك في سمايا
انا حلمن حلم به الف واحد=ولا طاله سواك من البرايا
رحلت الحين ..لكن في مكانك=بقت ( طعناتك ) بقلبي عرايا..!
تسامرني (طعونك ) كل ليله=عن الذكرا وعن قمة وفايا
تقول : انتي علامك تذكرينه ..!=وش اللي قدّم لعمرك هدايا..!
جزاك بصدّه وحقران وصلك=ولا قدّر مغاتير النوايا..!
رضا بانك تكونين الضحيه=ولا يرضى يكون من الضحايا..!
يعيش الحين داله عنك سالي=ولا همّه شقاك ولا شقايا..!
يسوّي مابداله في حياته=وانتي ويش فادتك السوايا..؟
لو انك تاخذين الشور منّي=وتنسينه / وتسعين بدوايا
نصيحه من ( طعونك ) كل ماذكر=سواياك ومجازاتك معايا
تعنّيني ( طعونك ) فالنصيحه=واجادلها واقول انك خطايا
خطيت اني وهبتك كل حاجه=وخطيت اني هويتك ياهوايا
وخطيت اني تماديت بغرامك=وخطيت اني رضيت من البدايا
عدوك يشتري فرقاك عادي=وانا اول من شرا قربي عدايا
فريدة طبع واخلاق ومشاعر=عزيزه في خطاي وفي عنايا
عطيتك قلب ماعيّنت مثله=فريد وكل نبضاته مزايا
ياكثر اللي يبونه ما بغاهم=وياكثر اللي رضاهم من رضايا
ولا كنه يحبك غصب عني=يحبك لو ما اتلبي ندايا
يحبك لو قلبك ما يبيني =يحبك لو حبك من غبايا
يحبك حب ماحبوه قبله =ولا بعده محب بهالسجايا
وجزا حبه هجر الله حسيبك=كذا تجزي كريمين العطايا..؟!
انا ربي بلاني حب مثلك=والا ياويل قلبي من بلايا
[/poem]
|