منتديات المرقاب الأدبية - عرض مشاركة واحدة

30-06-2011, 07:28 PM

:
:
اررررررحب يـ ضيف الله .. !!
وهذا تسجيل حضور واباجاوب وعساني (( ما أتسذب )) .. !!
<-- يبل راس اصبعه بلسانه ويحط اكس على رقبته .. !!
موقف ( 1 ) :
تنتظر وظيفه منذ 4 سنوات وحصلت عليها وقبل توقيع العقد جاء متقدم للوظيفه وقال لك ( تكفففففففى ) انا محتاج وحالتي الماديه تعبانه و ادور وظيفه وبـ الكاد حصلت عليها , لكنهم فضلوك عليّ .. وطلب انك تنسحب عشان يتوظف .. وش بـ تسوي ؟
- بقول : هااااه ويش .. ؟؟
ثم بعدها ان كان تأكدت أن اوضاعه (( محيوسه )) راح اتنازل له .. !!

موقف ( 2 ) :
تزوج احد اصدقاءك و انت خارج المدينه و أخذت رقم حسابه عشان تحول له ( المعونه ) وفعلاً حولت له 2000 ريال وهي راس المال ..
واكتشفت انك حولتها بالغلط لـ شخص آخر .. وبحثت عن رقمه واتصلت به وشرحت له قصتك وقال لك انا متزوج ومحتاج المعونه .. ها وش تتسوي ؟
- بقول له رجع لي (( 1000 )) خلني افزع بها لرفيقي واتجمل بها عنده ..
و (( 1000 )) صحة راسك - الله لايعيد ضنوتك .. !!

موقف ( 3 ) :
في احد الاسواق شفت شخص تعرفه .. وسلمت عليه ولا رد عليك .. وأستغربت
وبعد ماطلعت من السوق اتصلت عليه وسألته ليه مايرد السلام ؟
قال لك : اعذرني , اهلي كانوا معي ..
وش تسوي ؟
- بقول له : يافرقااااااااااااااااا كن ماتزوج الا أنت .. ؟؟
والايعني عشان ما عندي (( أهل )) جفلت مني .. !!
عموماً ان كان خاطره في الأتصال نفس خاطره الأول بأدمح له هالسالفه .. !!

موقف ( 4 ) :
ركب معك واحد لقيته متعطل و أخذته وأخذ معه أغراض من سيارته ( الفارهه ) <- ترى ماهيب قراندي
وأوصلته لـ بيته <- طبعاً قصر ..
ومشيت من عنده وفي نص الطريق لقيت انه ناسي شنطه فيها 500 ألف دولار ..
وش بـ تسوي ؟
- تبا الكلام الصدز بأرجعها له .. !!
وعاد ابقوم اقص له قصص ناس رجعوا فلوس لناس وعطوهم منها (( عرقه )) .. !!
<-- العرقه : هو المكافأة المادية على عمل ما .. !!

موقف ( 5 ) :
عندك هديه من انسان عزيز عليك ولها 5 سنوات عندك و ناوي تحتفظ بها العمر كله
و أحتجت 5 آلاف .. ممكن تبيع الهديه .. خصوصاً انك ماقدرت توفر الـ 5 آلاف و سعر الهديه يقارب الـ 6 آلاف ؟
- ابا ابيعها .. المحتاجون لايتلذذون بـ (( التذكار )) ياصديقي ..
التذكار فقط لمن لديه (( فائض )) مادي ومعنوي .. !!

موقف ( 6 ) :
مافي جيبك الا 100 ريال .. وقابلت واحد قال انا جاي من برا الديره ومامعي فلوس الخط ومحتاج لي 100 ريال توصلني لـ ديرتي , تعطيه الـ 100 ولا تعذر منه ؟
- بسأله : الأخ اللي في موقف (( 1 )) يقرب لك .. ؟؟
وبأعطيه الـ 100 واعود اطلطح يديني .. !!