دارين

متعب الشيباني



اغلب المواقف رجالية بحته .. بالذات موقف ((2 )) و ((3 )) و (( 4 ))

ولكن رغبة بالمشاركة و التعليق قدمت

بجاوب بدون ( تسذب )



موقف ( 1 ) :
تنتظر وظيفه منذ 4 سنوات وحصلت عليها وقبل توقيع العقد جاء متقدم للوظيفه وقال لك ( تكفففففففى ) انا محتاج وحالتي الماديه تعبانه و ادور وظيفه وبـ الكاد حصلت عليها , لكنهم فضلوك عليّ .. وطلب انك تنسحب عشان يتوظف .. وش بـ تسوي ؟

رضينا بالهم والهم مارضى بنا
ماعتقد اني بنسحب من وظيفة انتظرها لمجرد شخص يقول فضلوك علي .. وانا اولى منك ..و حالتي الماديه تعبانه
بتخلص من الموقف بطريقة لبقة
بعدين الشركة أو مكان العمل مالهم رأي .. ؟ هم قرروا من ياخذها ..واكيد القرار كان للافضل
يعني انا


*

موقف ( 2 ) :
تزوج احد اصدقاءك و انت خارج المدينه و أخذت رقم حسابه عشان تحول له ( المعونه ) وفعلاً حولت له 2000 ريال وهي راس المال ..
واكتشفت انك حولتها بالغلط لـ شخص آخر .. وبحثت عن رقمه واتصلت به وشرحت له قصتك وقال لك انا متزوج ومحتاج المعونه .. ها وش تتسوي ؟


هذا شخص مايستحي
كيف يطلب من شخص غريب المعونه ..؟ فعلا اللي اختشو ماتوا
طبعا بطلب يرجع المبلغ .. والا ادعي عليه الله ما يوفقه



موقف ( 3 ) :
في احد الاسواق شفت شخص تعرفه .. وسلمت عليه ولا رد عليك .. وأستغربت
وبعد ماطلعت من السوق اتصلت عليه وسألته ليه مايرد السلام ؟
قال لك : اعذرني , اهلي كانوا معي ..
وش تسوي ؟


يعني معه اهله خلاص مايؤمن بمبدأ افشاء السلام
لا ويتجاهل من يسلم ..!!!
ههههههههههههه عذر غريب

الانسان موقف .. والتصرفات تكشف المعادن


*

موقف ( 4 ) :
ركب معك واحد لقيته متعطل و أخذته وأخذ معه أغراض من سيارته ( الفارهه ) <- ترى ماهيب قراندي
وأوصلته لـ بيته <- طبعاً قصر ..
ومشيت من عنده وفي نص الطريق لقيت انه ناسي شنطه فيها 500 ألف دولار ..
وش بـ تسوي ؟


طيب لو اتخيل الموقف من هنا لباقي عمري مايجي معي
اول شي ما نسوق
ثاني شي ماراح اوقف لشخص سيارته عطلانه
ثالث شي ماراح اطلع غريب معي
رابع شي وهو الاهم تتوقعون واحد بهالغنى والرفاهية , يطلع مع حي الله شخص ومعه 500 الف دولار

ماعلينا

استحقاقا للحق اقول
اللي عنده امانه , يردها لصاحبها
وصاحبها لو عنده ضمير , يعطيه مكافاة امانته


*


موقف ( 5 ) :
عندك هديه من انسان عزيز عليك ولها 5 سنوات عندك و ناوي تحتفظ بها العمر كله
و أحتجت 5 آلاف .. ممكن تبيع الهديه .. خصوصاً انك ماقدرت توفر الـ 5 آلاف و سعر الهديه يقارب الـ 6 آلاف ؟


الهدية غاليه وصعب التنازل عنها
ولكن الحاجة تدفع الانسان يبيع كل شيء يملكه
ابيعها وفي القلب غصة .. غصة ذكرى جميلة ولا غصة حاجة و مذلة
واحسن حل ارهنها لين الله يفرجها >>>> الاخت عايشه بـ مصر


*


موقف ( 6 ) :
مافي جيبك الا 100 ريال .. وقابلت واحد قال انا جاي من برا الديره ومامعي فلوس الخط ومحتاج لي 100 ريال توصلني لـ ديرتي , تعطيه الـ 100 ولا تعذر منه ؟

اممممم
اعطيه الميه اكيد لانه يحتاج لها اكثر مني
على الاقل حنا في بيوتنا ومستورين