عبداللطيف الغامدي

الله الله على المواضيع يا متعب

استلم استلم

موقف ( 1 ) :
تنتظر وظيفه منذ 4 سنوات وحصلت عليها وقبل توقيع العقد جاء متقدم للوظيفه وقال لك ( تكفففففففى ) انا محتاج وحالتي الماديه تعبانه و ادور وظيفه وبـ الكاد حصلت عليها , لكنهم فضلوك عليّ .. وطلب انك تنسحب عشان يتوظف .. وش بـ تسوي ؟

صراحه لو انتظاري للوظيفه ثلاث سنوات ونص يمكن ,, اما اربع سنين معصيييييييي
لكن ممكن اقول لك من كل راتب 2.5 بالميه لين الله يزين احوالك

موقف ( 2 ) :
تزوج احد اصدقاءك و انت خارج المدينه و أخذت رقم حسابه عشان تحول له ( المعونه ) وفعلاً حولت له 2000 ريال وهي راس المال ..
واكتشفت انك حولتها بالغلط لـ شخص آخر .. وبحثت عن رقمه واتصلت به وشرحت له قصتك وقال لك انا متزوج ومحتاج المعونه .. ها وش تتسوي ؟

بكلم (السيحاني) <<< وش رايك
واقول له الموقف واحلف ان عانيتك جايه جايه لو اسرقها سرق
اما المسلم اللي رزقه الله رزقه وجاه ولا حول ولا قوه



موقف ( 3 ) :
في احد الاسواق شفت شخص تعرفه .. وسلمت عليه ولا رد عليك .. وأستغربت
وبعد ماطلعت من السوق اتصلت عليه وسألته ليه مايرد السلام ؟
قال لك : اعذرني , اهلي كانوا معي ..
وش تسوي ؟

ابسحب عليه ... ليه اهلك يا طويل العمر من موانع السلام مثلاً


موقف ( 4 ) :
ركب معك واحد لقيته متعطل و أخذته وأخذ معه أغراض من سيارته ( الفارهه ) <- ترى ماهيب قراندي
وأوصلته لـ بيته <- طبعاً قصر ..
ومشيت من عنده وفي نص الطريق لقيت انه ناسي شنطه فيها 500 ألف دولار ..
وش بـ تسوي ؟

ابتصل عليه واعلمه ان الدراهم معي وانشده كم لي لو جبتها؟؟
ويعلمني واقتطعها من الشنطه واودي له الباقي ..
وان قال مالك شي اقول اجل دورها الله لا يهينك كنت امزح معك بس


موقف ( 5 ) :
عندك هديه من انسان عزيز عليك ولها 5 سنوات عندك و ناوي تحتفظ بها العمر كله
و أحتجت 5 آلاف .. ممكن تبيع الهديه .. خصوصاً انك ماقدرت توفر الـ 5 آلاف و سعر الهديه يقارب الـ 6 آلاف ؟

حصل الموقف من قبل وبعناها وعينّا خير
هديه يعني ما تفكّ ازمة الرجال وش لها من داعي

موقف ( 6 ) :
مافي جيبك الا 100 ريال .. وقابلت واحد قال انا جاي من برا الديره ومامعي فلوس الخط ومحتاج لي 100 ريال توصلني لـ ديرتي , تعطيه الـ 100 ولا تعذر منه ؟

والله البلشه

اتوقع والله اني بعطيه اياها وامري لله

وصراحه يعتمدعلى وجه الرجال ان ارتحت له ولكلامه يبشربها
والا مثل راعي الوظيفه


شكراَ يا ابو ضيف لله على الموضوع الرايق يا رايق