ناصر تراحيب

موضوع خطير
ابي أتابع ردود الآخوان خاصّة في الموقف 6



موقف ( 1 ) :
تنتظر وظيفه منذ 4 سنوات وحصلت عليها وقبل توقيع العقد جاء متقدم للوظيفه وقال لك ( تكفففففففى ) انا محتاج وحالتي الماديه تعبانه و ادور وظيفه وبـ الكاد حصلت عليها , لكنهم فضلوك عليّ .. وطلب انك تنسحب عشان يتوظف .. وش بـ تسوي ؟

- مادام إنتظار 4 سنين ، ابـ اقول له ( الحال واحد )) ، لذا إسمح لي ولو إنّي مقدر ظروفك لكن قدر ظروفي >>> طبعاً أتكلم معه بلهجة حزن ومواساه في آن واحد : )


موقف ( 2 ) :
تزوج احد اصدقاءك و انت خارج المدينه و أخذت رقم حسابه عشان تحول له ( المعونه ) وفعلاً حولت له 2000 ريال وهي راس المال ..
واكتشفت انك حولتها بالغلط لـ شخص آخر .. وبحثت عن رقمه واتصلت به وشرحت له قصتك وقال لك انا متزوج ومحتاج المعونه .. ها وش تتسوي ؟

- ( أدعي له بالبركه ، واقول تستاهل وانا أخوك : ) ) وبالنسبه للأخ الثاني يرزقه الله
موقف ( 3 ) :
في احد الاسواق شفت شخص تعرفه .. وسلمت عليه ولا رد عليك .. وأستغربت
وبعد ماطلعت من السوق اتصلت عليه وسألته ليه مايرد السلام ؟
قال لك : اعذرني , اهلي كانوا معي ..
وش تسوي ؟
- أقول ليه يالحبيب سلامي ( عيب ؟ ) ، وأقفل الجوال بعد أن ( أتمتم بكلمات غير مفهومه )


موقف ( 4 ) :
ركب معك واحد لقيته متعطل و أخذته وأخذ معه أغراض من سيارته ( الفارهه ) <- ترى ماهيب قراندي
وأوصلته لـ بيته <- طبعاً قصر ..
ومشيت من عنده وفي نص الطريق لقيت انه ناسي شنطه فيها 500 ألف دولار ..
وش بـ تسوي ؟

- اتصوّر معها للذكرى ثمّ أرجعها له
موقف ( 5 ) :
عندك هديه من انسان عزيز عليك ولها 5 سنوات عندك و ناوي تحتفظ بها العمر كله
و أحتجت 5 آلاف .. ممكن تبيع الهديه .. خصوصاً انك ماقدرت توفر الـ 5 آلاف و سعر الهديه يقارب الـ 6 آلاف ؟

- ابداً وكلاّ ولن أبيعها .! لإن الفلوس ماهي همّ

موقف ( 6 ) :
مافي جيبك الا 100 ريال .. وقابلت واحد قال انا جاي من برا الديره ومامعي فلوس الخط ومحتاج لي 100 ريال توصلني لـ ديرتي , تعطيه الـ 100 ولا تعذر منه ؟

- أعطيه وبكل رحابة صدر . واقول بس 100 >>>> وأتظاهر إنّ الجيب مليان : )