مخايل

[poem=font="Simplified Arabic,5,indigo,normal,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black""]
رد السلام ومد كفه عليه = يبغى يصافحني بكفه وعييت
مدري حيا والا من الدين فيه= مير المهم اني على طول صديت
اخاف لا تكتب عليه خطية = واخاف يلحقني كلام الشماميت
ناسٍ مثل ماقيل ماهي صريه= في غفلة الاجواد مثل العفاريت
الهم على الطرقة عيونٍ خفية=ترصد حركاتك بصورة وتوقيت
يعني مراقب بين روحه وجيه=مكشوف كل الوضع لن رحت وان جيت
هذا هو اللي كان لازم يديه = ودبّرت مع دربي على الوجه واقفيت
والا ترى ما لي مقاصد ونية=او ان مالي فيك خاطر يا بلفيت
لكن مثل ماقلت لك من شوية=وشرحت لك كل السبب فاول البيت
الحرص واجب والليالي مديه =وان طال عمرك تاجد اللي تمنيت
الله جابك من نصيبي هديه = واحييت قلبٍ من عنا سيرته ميت
جددت دمّه والشرايين حيه = ابك انت فيني قول لي ويش سويت ؟
غيرت لك حاجات فيني عصيه = حاولت اغيرها لي سنين وازريت
وانته قدرت بصبح يوم وعشيه = تقلب موازيني وانا ما تعنيت
ذوقتني طعم الحياة الطرية = على لسان ذاق مرة وحلتيت
وانعشتني واسعدت نفسٍ شقية = عاشت على كثر البكا والتناهيت
اقبل مودك والقوافي عذيه = لاجلك فتح باب القريحة وغنيت
ونهاية الموضوع خذها وصيه = لا قدر الله يمكنني توفيت
مصافح الاحباب مافيه شيه = مير المصيبة من كلام الشماميت[/poem]

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.