|
خلوا لي مع القبر مطلاع
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياعلي حط القبـر بيـن البلاديـن=في مجضع الوادي جنوب من القاع
حط النصايب ياعلي وقـم باعيـن=بهن المهل ياخوي وان زدت بذراع
ورز النصايب صوب مريوشه العين=هبايب الجوزاء تقـارع بـه اقـراع
اشوف من يضحك وله خاطر زين=وشوف من يصفق علية بالأصباع
واليـا دفنتونـي ورحتـوا مقفيـن=تكفون خلو لي مع القبـر مطـلاع
وجدي عليها وجد راعـي قليبيـن=متجرحن من كثر حفره من القـاع
جاه البرد ترمي سـوات المحاقيـن=خلا البرد بالزرع يوميـن مامـاع
وساقوا سوانيهـم وراحـوا مقفيـن=لاحوشوا مدن ولا حوشـوا صـاع
او وجد راعي هجمه وسرها زيـن=ترعى طرات القفر يـاوي مربـاع
شافوا بوسط القفر قومـن منيخيـن=متغترينن مـن شيوخـن وطـلاع
عزل كمين القوم جوهـا مغيريـن=ولحق على صفرا من النزل فزاع
افلس رويعيهـا وصفـق بكفيـن=نحووه عنها مابقا حاشيـن ضـاع
وردوا عليه ووردت القـوم شينيـن=تقاطعـوه بكـل شلفـا ولـمـاع[/poem]
( لا اعلم من هو صاحبها )
|